Navbatdagi sessiya kun tartibiga kiritilgan “Tumanda «Ayollar daftari»ning 7-bosqichiga kiritilgan xotin-qizlarning muammolarini hal etish bo‘yicha individual dasturlarda belgilangan chora-tadbirlar ijrosini ta’minlash borasida amalga oshirilgan ishlar to‘g‘risida”gi masala yuzasidan o‘rganish ishlari olib borildi.

Xalq deputatlari Angor tumani Kengashi 6-Qorasuv saylov okrugi deputati Raximqulov Jamshid Yuldoshevich tomonidan hududdagi xotin-qizlar faollari bilan suhbatlashilib, «Ayollar daftari»ning 7-bosqichiga kiritilgan xotin-qizlarning muammolarini hal etish borasida amalga oshirilayotgan ishlar o‘rganildi.

O‘rganish davomida Qorasuv mahallasida 100 nafar, Gulzor mahallasida esa 105 nafar xotin-qiz «Ayollar daftari»ga kiritilgani hamda ular bilan belgilangan toifalar asosida individual ishlash yo‘lga qo‘yilgani haqida ma’lumotlar olindi.

Shuningdek, xotin-qizlarning muammolarini manzilli o‘rganish, ularni hal etish bo‘yicha individual dasturlarda belgilangan chora-tadbirlarning ijrosini ta’minlash hamda murojaatlarni o‘z vaqtida ko‘rib chiqishga alohida e’tibor qaratildi.

O‘rganish natijalari sessiya oldi kun tartibiga kiritiladigan masala doirasida tahlil qilinib, aniqlangan holatlar yuzasidan tegishli xulosalar shakllantiriladi.