Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston Xalq demokratik partiyasidan saylangan deputat J.Sadirov tumanning “Baymurzayev” mahallasiga biriktirilgan yoshlar yetakchisi I.Imomaliyevning faoliyati o‘rganildi.

🔺O‘rganish davomida mahallada istiqomat qiluvchi yoshlarning ijtimoiy holati, ta’lim olayotgan, ishlayotgan, ishsiz yoki turli sabablarga ko‘ra band bo‘lmagan yoshlar bilan olib borilayotgan manzilli ishlarga alohida e’tibor qaratildi.

🔺Xususan, yoshlar yetakchisi tomonidan mahalladagi yoshlarning muammolarini xonadonbay o‘rganish, ularning qiziqish va qobiliyatlarini aniqlash, mavjud imkoniyatlardan kelib chiqib ta’lim, kasb-hunar, sport, madaniyat va tadbirkorlik yo‘nalishlariga jalb etish bo‘yicha amalga oshirilayotgan ishlar tahlil qilindi.

🔺O‘rganish jarayonida yoshlarning bo‘sh vaqtini mazmunli tashkil etish masalasiga ham alohida e’tibor qaratildi. Yoshlarni sport musobaqalari, madaniy-ma’rifiy tadbirlar, kitobxonlik, turli to‘garaklar va jamoat ishlariga keng jalb etish orqali ularning ijtimoiy faolligini oshirish zarurligi qayd etildi.

🔺Shuningdek, mahalladagi yoshlar bilan ochiq muloqotlarni ko‘paytirish, ularning taklif va tashabbuslarini qo‘llab-quvvatlash, yoshlar uchun mavjud davlat dasturlari va imkoniyatlari haqida tushuntirish ishlarini muntazam olib borish bo‘yicha tavsiyalar berildi.