Yangi o‘quv yilini ta’lim muassasalarida munosib kutib olish, o‘quvchilar uchun qulay va xavfsiz sharoitlarni yaratish borasidagi ishlar deputatlar e’tiborida.
Shu maqsadda Xalq deputatlari Shovot tumani Kengashi mudiri Masharipov Izzat Masharipovich hamda 18-Bo‘ston saylov okrugi deputati Qalandarov Azamat Shermetovich hamkorligida saylov okrugi hududidagi umumiy o‘rta ta’lim maktabining yangi o‘quv yiliga tayyorgarlik holati o‘rganildi.
O‘rganish davomida maktab binosi va hududining obodonlashtirilishi, sinfxonalarning o‘quv jarayoniga tayyorligi, sanitariya-gigiyena holati hamda o‘quvchilar uchun yaratilayotgan shart-sharoitlar ko‘zdan kechirildi.
Aniqlangan masalalar yuzasidan mas’ullarga tegishli tavsiyalar berilib, kamchiliklarni bartaraf etish va yangi o‘quv yiliga puxta tayyorgarlik ko‘rish bo‘yicha vazifalar belgilandi.
Deputat nazorati — sifatli ta’lim va munosib sharoitlar sari muhim qadam!