Xalq deputatlari Marg‘ilon shahar Kengashi 19-Mustaqillik saylov okrugi deputati Z.G‘ofurova tomonidan saylov okrugida olib borilgan o‘rganishlar davomida fuqarolardan kelib tushgan murojaatlar atroflicha o‘rganildi.

O‘rganishlar jarayonida aniqlangan masalalar va fuqarolar tomonidan bildirilgan taklif-murojaatlarni amaliy jihatdan hal etish maqsadida deputat tomonidan Marg‘ilon shahar hokimi o‘rinbosari nomiga deputat so‘rovi yuborildi.

Mazkur deputat so‘rovida saylov okrugi hududida aniqlangan muammolarni belgilangan tartibda ko‘rib chiqish, tegishli choralar ko‘rish hamda murojaatlarning ijobiy yechimini ta’minlash masalalariga e’tibor qaratilgan.

Deputatlarning bu kabi faoliyati saylovchilar bilan bevosita muloqot qilish, ularning muammolarini o‘rganish va murojaatlarni mas’ul tashkilotlar oldiga qo‘yish orqali deputatlik nazoratini kuchaytirishga xizmat qilmoqda.