Bozataw rayonında Ózbekstan Respublikası Ǵárezsizliginiń 35 jıllıǵı múnásibeti menen saltanatlı ilaj ótkerildi. Onda rayonnıń rawajlanıwı hám xalıqtıń abadanlıǵına múnásip úles qosıp kiyatırǵan bir topar watanlaslarımız hámde Xalıq deputatları Bozataw rayonlıq Keńesi deputatlarıda“Ózbekstan Respublikası Ǵárezsizliginiń 35 jıllıǵı” estelik belgisi menen sıylıqlandı.
Sıylıqlardı Xalıq deputatları rayonlıq Keńesi deputatı, rayon hákimi B.Ubbiniyazov saltanatlı túrde tapsırıp, sıylıqlanǵanlardı elimizdiń eń ullı hám eń áziz bayramı menen qızǵın qutlıqladı. Olardıń kóp jıllıq miyneti hám pidayılıǵı múnásip bahalanǵanın ayrıqsha atap ótti.
Ilaj dawamında elimizdiń rawajlanıwı hám xalıqtıń abadanlıǵı jolında shın kewilden miynet etip atırǵan insanlardıń xızmetleri bárqulla tán alınatuǵını atap ótildi. Sıylıqlanǵanlarǵa bildirilgen jaqsı tilekler olardıń keleshektegi jumısına jáne de kúsh-ǵayrat baǵıshlaytuǵını atap ótildi.
Saltanatlı máresim juwmaǵında sıylıqlanǵanlarǵa bekkem densawlıq, shańaraqlıq tınıshlıq hám keleshektegi jumıslarında úlken tabıslar tilendi.