O‘zbekiston Respublikasi davlat mustaqilligining 35 yilligi munosabati bilan Mirzo Ulug‘bek tumani “Komolot” mahallasida bayram tadbiri ko‘tarinki ruhda va yuqori saviyada tashkil etildi.

Unda xalq deputatlari Mirzo Ulug‘bek tumani Kengashi 11-“Kamolot” okrugi deputati, O‘zbekiston XDP a’zosi Kim Vitaliy Gennadevich ishtirok etib, mahalla aholisini Mustaqillik bayrami bilan tabrikladi.

Tadbirda mahalla faollari, nuroniylar, yoshlar, xotin-qizlar hamda keng jamoatchilik vakillari ishtirok etdi. Unda yurtimiz taraqqiyoti, tinchlik va osoyishtalikni asrash, milliy qadriyatlarimizni ulug‘lash, shuningdek, mamlakatimizda amalga oshirilayotgan keng ko‘lamli bunyodkorlik va islohotlar haqida so‘z yuritildi.

Bayram dasturi doirasida milliy kuy-qo‘shiqlar, folklor va badiiy chiqishlar, urf-odatlarimizni aks ettiruvchi sahna ko‘rinishlari namoyish etildi.

Mahallada bayram dasturxoni-bu qo‘shnilarning birdamligi, saxovati va mehmondo‘stligini ko‘rsatadigan jamoaviy tadbirdir.