Xalq deputatlari Qo‘qon shahar Kengashi deputati N.Shomatov tomonidan fuqaro murojaati asosida yuborilgan deputatlik so‘roviga Qo‘qon shahar Davlat kadastrlari palatasi filialidan rasmiy javob kelib tushdi.

Deputatlik so‘rovida Qo‘qon shahar “Davronbek” mahalla fuqarolar yig‘ini, Davronbek ko‘chasi 23-uyda istiqomat qiluvchi fuqaro Ochilov Hamidjonning o‘z xonadoniga tegishli kadastr hujjatlarini rasmiylashtirish masalasidagi murojaati ko‘rib chiqilgan.

Murojaat yuzasidan tegishli ma’lumotlar va arxiv hujjatlari o‘rganib chiqildi. Natijada fuqaroning mazkur turar joyi bo‘yicha huquqni tasdiqlovchi mavjud hujjatlar aniqlanib, kadastr hujjatlarini rasmiylashtirish va davlat ro‘yxatidan o‘tkazish uchun belgilangan tartibda zarur amaliy ishlarni amalga oshirish imkoniyati mavjudligi ma’lum qilindi.

Rasmiy javobga ko‘ra, kadastr hujjatlarini tayyorlash va davlat ro‘yxatidan o‘tkazish jarayonini davom ettirish uchun tegishli tartibda Davlat xizmatlari markazi orqali yoki YIDXP orqali murojaat qilish lozimligi tushuntirildi.

Mazkur deputatlik so‘rovi natijasida fuqaroning murojaati atroflicha o‘rganilib, uning uy-joyiga oid hujjatlarni qonuniy tartibda rasmiylashtirish bo‘yicha aniq yo‘nalish va amaliy tartib belgilab berildi.

Mazkur masala deputat nazoratida bo‘lib, fuqaroning kadastr hujjatlarini rasmiylashtirish jarayonida zarur ko‘mak ko‘rsatish va masalani qonuniy hal etishga qaratilgan ishlar davom ettiriladi.

Xalq deputatlari Qo‘qon shahar Kengashi