Mustaqillik bayrami arafasida hududlarda obodonlashtirish va tozalash ishlari kuchaytirilmoqda

📍Xalq deputatlari Olmazor tumani Kengashi deputati Ismoil Sagdullayev tashabbusi bilan o‘zi saylangan saylov okrugi hududidagi mahallalarda obodonlashtirish, sanitariya-tozalash va hududlarni tartibga keltirish ishlari amalga oshirilmoqda.

🇺🇿 O‘zbekiston Respublikasi davlat mustaqilligining 35 yilligi munosabati bilan hududlarda obodonlashtirish ishlarini yanada jadallashtirish, aholi uchun toza, ozoda va qulay muhit yaratish, mahallalarning sanitariya holatini yaxshilashga alohida e’tibor qaratilmoqda.

✅ Jumladan, saylov okrugi hududidagi mahallalarning ichki ko‘chalarida to‘planib qolgan chiqindilar tozalanib, maxsus texnikalar yordamida hududdan olib chiqib ketilmoqda. Shuningdek, ko‘cha va umumiy foydalanishdagi hududlar tartibga keltirilib, sanitariya holatini yaxshilash bo‘yicha zarur choralar ko‘rilmoqda.

🤝 Deputat tomonidan mazkur ishlarning borishi joyiga chiqib o‘rganilib, aniqlangan kamchiliklarni bartaraf etish yuzasidan mas’ul tashkilotlar bilan hamkorlikda tegishli vazifalar belgilab olinmoqda.

👨‍👩‍👦‍👦 Aholi murojaatlari va hududdagi mavjud muammolarni o‘rganish, ularning amaliy yechimini ta’minlash hamda obodonlashtirish ishlarini tizimli tashkil etish deputatlik nazoratining muhim yo‘nalishlaridan biri sifatida davom ettirilmoqda.

🌟 Mustaqilligimizning 35 yilligini munosib kutib olish maqsadida hududlarda olib borilayotgan bunday ezgu ishlar mahallalarimizning yanada obod va ko‘rkam qiyofa kasb etishiga xizmat qiladi.

💦 Toza va obod mahalla — aholi farovonligi va munosib turmush sharoitining muhim omilidir.

👇 Bizni ijtimoiy tarmoqlarda kuzatib boring!