#_Kotibiyat_faoliyati
Amalga oshirilgan ishlar sarhisobi va kunlik ish rejasi kotibiyat nazoratida

Xalq deputatlari Sariosiyo tumani Kengashi mudiri M. Ashurov boshchiligida Kengash kotibiyati xodimlari N.Xamdamova va A.Nasriddinov ishtirokida amalga oshirilgan ishlar sarhisobini o‘tkazish hamda kunlik ish rejalarini muhokama qilishga bag‘ishlangan yig‘ilish bo‘lib o‘tdi.

Yig‘ilishda tuman Kengashi mudiri M. Ashurov tomonidan 2026-yil 25-avgust kuni amalga oshirilgan ishlar atroflicha tahlil qilinib, bajarilgan vazifalar holati ko‘rib chiqildi. Shuningdek, belgilangan topshiriqlarning ijrosi, ularning o‘z vaqtida va sifatli bajarilishi yuzasidan mas’ullarning faoliyati muhokama qilindi.

Yig‘ilish davomida 2026-yil 26-avgust kuni amalga oshirilishi lozim bo‘lgan tadbirlar va ustuvor vazifalar belgilab olindi. Har bir yo‘nalish bo‘yicha mas’ullarga tegishli topshiriqlar berilib, ularning ijrosini ta’minlash, belgilangan vazifalarni o‘z muddatida va sifatli bajarish zarurligi ta’kidlandi.
Kunlik ish rejalarining ijrosini muntazam nazorat qilib borish, mavjud masalalarni o‘z vaqtida muhokama qilish hamda aniqlangan kamchiliklarni bartaraf etish yuzasidan tegishli choralar ko‘rish belgilandi.

Yig‘ilish yakunida kotibiyat xodimlariga belgilangan vazifalarni mas’uliyat bilan bajarish, ijro intizomiga qat’iy rioya qilish hamda tuman Kengashi faoliyatining samaradorligini yanada oshirish bo‘yicha tegishli ko‘rsatma va topshiriqlar berildi.