DOIMIY KOMISSIYA TOMONIDAN RASMIY MA’LUMOT SO‘RALDI

Xalq deputatlari Pastdarg‘om tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi tomonidan deputatlik nazorati doirasida navbatdagi amaliy ishlar olib borilmoqda.

Shu munosabat bilan doimiy komissiya tomonidan Pastdarg‘om tuman “Suv yetkazib berish xizmati” davlat muassasasi direktori A.Turayev nomiga rasmiy so‘rov yuborildi.

So‘rovda “O‘zbekiston–2030” strategiyasining tumanda ijrosi yuzasidan amalga oshirilgan ishlar, jumladan, suv resurslarini boshqarish, suv xo‘jaligi obyektlarining texnik holatini yaxshilash hamda suv tejovchi texnologiyalarni joriy etish holati haqida batafsil rasmiy ma’lumot taqdim etish so‘ralgan.

Mazkur ma’lumotlar doimiy komissiya tomonidan tahlil qilinib, sohada amalga oshirilayotgan ishlar samaradorligini baholash, mavjud muammolarni aniqlash yuzasidan tegishli tavsiyalar ishlab chiqishda asos bo‘lib xizmat qiladi.