Xalq deputatlari Jalaquduq tuman Kengashi deputati B.Bazarova hamda «Madad» nodavlat notijoriy tashkiloti (NNT) yetakchi mutaxassisi M.To‘lqinova, Buzruqxotūra MFY raisi bilan birgalikda tumandagi 36-sonli umumta’lim maktabiga tashrif buyurdilar. Tashrif davomida deputat va mutaxassis maktab direktori bilan samimiy muloqotda bo‘lib, quyidagi masalalarni muhokama qildilar: Maktabda o‘quvchilar uchun yaratilgan sharoitlar; Yoshlar va pedagoglarning huquqiy savodxonligini oshirish, ularga bepul huquqiy yordam ko‘rsatish imkoniyatlari; To‘garaklar faoliyati, o‘quvchilar xavfsizligi va ta’lim muassasasidagi mavjud ehtiyojlar. Muloqot yakunida ta’lim sifatini yanada oshirish va aniqlangan masalalarni hamkorlikda hal etish bo‘yicha istiqboldagi rejalar belgilab olindi. Aholi va ta’lim maskanlari bilan bevosita muloqot hamda huquqiy ko‘mak berish ishlari izchil davom etmoqda.