Xalq deputatlari Chilonzor tuman Kengashi deputati Miryunusov Alisher Xabibiullayevich tomonidan Chilonzor mahallasida mahalla yettiligi vakillari bilan uchrashuv o‘tkazildi.

Uchrashuv davomida mahalla hududidagi mavjud muammolar, aholini qiynab kelayotgan masalalar, hududni obodonlashtirish, yo‘l va boshqa infratuzilma obyektlarining holatini yaxshilash bo‘yicha amalga oshirilishi lozim bo‘lgan ishlar atroflicha muhokama qilindi. Mavjud masalalarni bosqichma-bosqich hal etish yuzasidan fikr va takliflar bildirildi.

Shundan so‘ng deputat mahalla ko‘chaboshisi bilan birgalikda Katta Chilonzor 4-tor ko‘chasiga chiqib, hududdagi holatni joyida o‘rgandi.

O‘rganish jarayonida ko‘chaning holati, mavjud infratuzilma bilan bog‘liq kamchiliklar hamda aholi uchun qulay shart-sharoit yaratish masalalariga e’tibor qaratildi.

O‘rganish va muhokamalar davomida aniqlangan muammolarni bartaraf etish yuzasidan tegishli choralarni belgilash, mas’ul tashkilotlar bilan hamkorlikda ularning yechimini ta’minlash hamda masalalarni deputatlik nazoratida olib borish bo‘yicha vazifalar belgilab olindi.