Xalq deputatlari Termiz tuman Kengashining navbatdagi sessiyasida kun tartibidagi masalar.

2026-yil II chorak davomida jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar to‘g‘risidagi hisobotni tasdiqlash masalasi ko‘rib chiqildi.

Ma’lum qilinishicha, 2026-yil 1-iyul holatiga ko‘ra, tashabbusli budjetlashtirish yo‘nalishida yil boshiga 819,9 million so‘m qoldiq mablag‘ mavjud bo‘lgan. Hisobot davrida “Fuqarolar tashabbusi jamg‘armasi”ga 12 milliard 737,6 million so‘m mablag‘ yo‘naltirilgan.

Fuqarolar tomonidan ilgari surilgan tashabbuslarni amalga oshirish uchun 10 milliard 846,3 million so‘m ajratilgan bo‘lib, shundan 10 milliard 83,9 million so‘m bajarilgan ishlar uchun moliyalashtirilgan. Hisobot davri yakuniga ko‘ra, jamg‘armada 2 milliard 711,2 million so‘m qoldiq mablag‘ mavjudligi qayd etildi.

Tashabbusli budjetlashtirish doirasida tumanda jami 12 ta loyiha moliyalashtirildi. Jumladan:
🔹 2 ta ichki yo‘llarni ta’mirlash loyihasiga 3 milliard 295,2 million so‘m;
🔹 7 ta umumta’lim maktabini ta’mirlash va jihozlash loyihasiga 5 milliard 267,6 million so‘m;
🔹 2 ta sog‘liqni saqlash muassasasini ta’mirlash va jihozlash loyihasiga 1 milliard 583,3 million so‘m;
🔹 1 ta boshqa ijtimoiy soha obyektini ta’mirlash va jihozlash loyihasiga 700,2 million so‘m mablag‘ yo‘naltirildi.

Ta’kidlanganidek, amalga oshirilgan loyihalar natijasida hududlarda ijtimoiy infratuzilma yaxshilanib, aholining yashash sharoitlarini yanada qulaylashtirish, ta’lim va tibbiyot muassasalarining moddiy-texnik bazasini mustahkamlash bo‘yicha muhim ishlar amalga oshirildi.