#Jarayon

O‘rta Chirchiqda yangi bog‘cha qurilishi — deputatlar nazoratida

📍Xalq deputatlari Toshkent viloyati Kengashi kotibiyati bosh mutaxassisi D.Abdug'apparova hamda Xalq deputatlari O‘rta Chirchiq tuman Kengashi kotibiyati mudiri B.Baxovadinovlar tumandagi "Oltiog‘il" mahalla fuqarolar yig‘ini hududida olib borilayotgan yangi "Maktabgacha ta’lim muassasasi" binosining qurilish jarayonlari bilan yaqindan tanishdilar.

📌Ishchi guruh a’zolari qurilish maydonida bo‘lib, binoning poydevori loyiha hujjatlariga muvofiqligini, ishlatilayotgan qurilish materiallarining sifatini ko‘zdan kechirishdi. Shuningdek, binoning issiqlik, toza ichimlik suvi va elektr energiyasi bilan ta’minlanish tizimlari atroflicha o‘rganildi.

O‘rganish davomida mutasaddilar quyidagi masalalarga alohida urg‘u berishdi:

✅Xavfsizlik va qulaylik: Kelgusida bog‘chada tarbiyalanadigan jajji bolajonlarning xavfsiz harakatlanishi uchun barcha xonalar va o‘yin maydonchalarining talab darajasida bo‘lishi;

✅Zamonaviy shart-sharoitlar: Mashg‘ulot xonalari, oshxona va tibbiyot xonasining bugungi kun standartlariga mos ravishda loyihalashtirilganligi;

✅Obodonlashtirish ishlari: Muassasa hovlisida bolalar uchun yozgi ayvonchalar va ko‘kalamzorlashtirilgan hududlar barpo etilishi holati.

📖O‘rganish yakunida aniqlangan ba’zi kamchiliklarni bartaraf etish hamda ichki va tashqi infratuzilma ishlarini jadallashtirish bo‘yicha pudrat tashkiloti mas’ullariga tegishli ko‘rsatmalar berildi.

✅Xalq deputatlari O‘rta Chirchiq tuman Kengashi kotibiyati axborot xizmati!
Telegram | Instagram | Facebook | YouTube