Андижон давлат университети хотин-қизлар масалалари бўйича маслаҳат кенгаши ташаббуси билан ТТЖларда яшовчи талаба-қизлар ўртасида соғлом турмуш тарзини барқарорлаштириш, тиббий маданиятни юксалтириш ва қизларнинг репродуктив саломатлигини мустаҳкамлашга қаратилган “Биз соғлом турмуш тарафдоримиз!” мавзусида давра суҳбати ўтказилди.

Давра суҳбатида Андижон шаҳридаги 2-сонли туғруқ комплекси бош врачи, олий тоифали акушер-гинеколог Қосимова Сохибахон Абдувосиловна, университет хотин-қизлар масалалари бўйича маслаҳат кенгаши раиси Умидахон Аҳмедова, Ходимлар ва талабалар касаба уюшмаси қўмитаси раиси ўринбосари, халқ депутатлари Вилоят кенгаши депутати Екатерина Смесова, педагогика, филология, жисмоний маданият, табиий фанлар факультети декан маслаҳатчилари, тьюторлар ҳамда 2-сонли ТТЖда яшовчи талаба қизлар иштирок этди.

Талаба-қизларни қизиқтирган саволларга мутахассис шифокор томонидан зарурий маслаҳат ва кўрсатмалар берилди.

Давра суҳбати давомида вилоят кенгаши депутати Екатерина Смесова сўз олиб, Ўзбекистон Республикаси Конституциявий Қонуни лойиҳасига оид мулоҳазалари билан ўртоқлашди, талаба-қизларни «бефарқ бўлмасликка», референдумда фуқаролик позициясини намоён этишга чақирди.