Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston “Milliy tiklanish” demokratik partiyasidan saylangan deputat M.Aynashova tuman hokimi o‘rinbosari va mahalla xodimlari ishtirokida xalq deputatlari tuman Kengashining tegishli qaroriga asosan “og‘ir” mahalla deb e’tirof etilgan “Bog‘chaovul” mahallasida amalga oshirilayotgan ishlar bo‘yicha o‘rganish o‘tkazdi.

🔺O‘rganish davomida uzoq yillar davomida ta’mirtalab holatda bo‘lgan ichki yo‘llarni asfaltlashtirish bo‘yicha bildirilgan ko‘plab murojaatlar asosida amalga oshirilayotgan ishlar ko‘zdan kechirildi. Asfalt qoplamasini yotqizish jarayonining sifati, qurilish materiallarining talablarga muvofiqligi, belgilangan muddatlarga rioya etilishi hamda yo‘l qurilishi texnologiyasiga amal qilinishi yuzasidan mas’ullar bilan suhbatlashildi.

🔺Deputat tomonidan asfaltlashtirish ishlarining sifatli va belgilangan muddatlarda yakunlanishi, aniqlangan kamchiliklarni bartaraf etish hamda aholi murojaatlari ijrosini ta’minlash yuzasidan mutasaddi tashkilotlarga tegishli tavsiyalar berildi.