Maktabgacha ta’lim tashkiloti maktabgacha ta’limga qo‘yiladigan davlat talablariga muvofiq bolalarni tarbiyalashni, o‘qitishni, ularga qarab turishni, ularni parvarishlashni va sog‘lomlashtirishni ta’minlaydi. 

Mirzo Ulug‘bek tumanidagi “Kamolot” mahallasidagi 446-sonli maktabgacha ta’lim tashkiloti tarbiyalanuvchilariga yaratilgan sharoitlar, tibbiy yordam, bolalarning hayoti, sog‘lig‘i va jismoniy kamoloti, sanitariya-gigiena normalariga, ovqatlanish rejimi va sifatiga rioya etilishi o‘rganildi. 

O‘rganish tadbirlarida xalq deputatlari Mirzo Ulug‘bek tumani Kengashi kotibiyati bosh mutaxassisi Gulchexra Azizova ishtirok etib, tashkilot mutasaddilari bilan maktabgacha ta’lim tizimida bolalarni tarbiyalash, rivojlantirish va ularga ta’lim berishni ijobiy munosabatlar orqali amalga oshirish maqsadida o‘yinga asoslangan ta’lim bo‘yicha amalga oshirilayotgan ishlar yuzasidan suhbatlashdi.

Tashkilotdagi ayrim muammolar yuzasidan ma’lumotlar deputat Kim Vitaliy Gennadevichga kiritilishi hamda hamkorlikda amalga oshiriladigan ishlar natijadorligi nazoratga olinishi ma’lum qilindi.