Маълумки, жойлардаги ечимини кутаётган масалаларга маҳалланинг ўзида ечим топиш энг мақбул усул ҳисобланади. 

Бунинг учун маҳалла раиси ва фаоллари ўз ишига садоқат билан ёндашиб, аҳоли қатламига кириб бориши ва уларнинг муаммоларини сидқидилдан ҳал этишга бел боғлаши талаб этилади. 

Халқ депутатлари Пахтаобод туман кенгаши депутати, "Қўрғонча" маҳалла фуқаролар йиғини раиси Тўлғоной Қамбарова ана шундай етакчилардан ҳисобланади. 

У аҳоли муаммоларини маҳалланинг ўзида ҳал этишга, одамларни юқори идораларга мурожаат қилиб овора қилмасликга ҳаракат қилади. Шу боис унинг маҳалласидан юқори ташкилотларга ариза ва шикоятлар йўлланмайди. 

Бугун унинг меҳнатларини Халқ депутатлари Андижон вилояти кенгаши раиси, вилоят ҳокими эътироф этиб, жонкуяр депутат раисга холодильник, телевизор, кир ювиш машинаси ва духовка совға қилди. 

Депутатимиз Тўлғоной опа эса ўз навбатида маҳалла нуронийси бўлган Турғунбой отага духовкани тақдим этаркан, нуронийларни қадрлаш ва эъзозлаш ўзига хос қадриятларимиздан эканини таъкидлаб ўтди.