Uchrashuv davomida hududda huquqbuzarlik va jinoyatchilikning oldini olish, ayniqsa yoshlar o‘rtasida sodir etilayotgan salbiy holatlarni kamaytirish, oilaviy nizolar va maishiy zo‘ravonliklarning barvaqt oldini olish masalalariga alohida e’tibor qaratildi.

Shuningdek, profilaktik tadbirlarni kuchaytirish, uyma-uy yurib fuqarolar bilan ishlash, ijtimoiy muammosi mavjud oilalarni aniqlash va ular bilan manzilli ishlash bo‘yicha mahalla yettiligi oldiga muhim vazifalar qo‘yildi.

Uchrashuvda mahalla faollari, profilaktika inspektori, yoshlar yetakchisi hamda xotin-qizlar faoli hamkorligida huquqbuzarliklarning oldini olish bo‘yicha tizimli ishlarni tashkil etish, aholi o‘rtasida huquqiy targ‘ibot ishlarini kuchaytirish muhimligi ta’kidlandi.

Hududdagi “qizil” va “sariq” toifaga kiritilgan mahallalarda huquqbuzarlik va jinoyatchilikning oldini olish masalalari Xalq deputatlari tuman Kengashining tegishli doimiy komissiyasi muhokamasiga kiritilishi rejalashtirilayotgani ma’lum qilindi.

Mazkur muhokamada hududlarda kriminogen vaziyatni yaxshilash, profilaktik tadbirlar samaradorligini oshirish hamda mahalla darajasida amalga oshirilayotgan ishlarni tizimli tahlil qilish masalalari ko‘rib chiqilishi nazarda tutilmoqda.