Toshloq tumanidagi “Istiqlol” mahallasida do‘stlik va hamjihatlikni targ‘ib etuvchi “Do‘stlik bayrami” yuqori saviyada o‘tkazildi. Unda turli millat vakillari, jumladan qirg‘iz, tojik va o‘zbek xalqlari ishtirok etib, bayramga o‘ziga xos ko‘tarinki ruh bag‘ishladilar.

Tadbir davomida so‘zga chiqqan Xalq deputatlari Toshloq tuman Kengashi raisi T.Soliyev ko‘p yillik qo‘shnichilik, o‘zaro hurmat va bag‘rikenglik an’analarini e’tirof etib, millatlararo totuvlik yurt taraqqiyotining muhim omili ekanini ta’kidladi.

Bayram dasturi doirasida yoshlar ishtirokida qadimiy milliy o‘yinlar tashkil etildi. Shuningdek, hunarmandchilik buyumlari, milliy taomlar va boy madaniy meros namunalarini o‘z ichiga olgan ko‘rgazmalar tashkil etilib, ular ishtirokchilarda katta qiziqish va iliq taassurotlar uyg‘otdi.