O‘rganish jarayonida mahalla «yettiligi» a’zolari bilan hamkorlikda yoshlar bilan ishlash tizimi, ularni kasb-hunarga yo‘naltirish, tadbirkorlikka jalb etish va bo‘sh vaqtlarini mazmunli tashkil etish bo‘yicha amalga oshirilayotgan ishlar tahlil qilindi. Shuningdek, yoshlar bandligini ta’minlashda mavjud muammo va kamchiliklar aniqlanib, ularni bartaraf etish yuzasidan takliflar ishlab chiqildi.

O‘rganish natijalariga ko‘ra, deputat tomonidan bildirilgan fikr va mulohazalar mahalla faollari bilan birgalikda muhokama qilindi. Kelgusida yoshlar bandligini ta’minlash, ayniqsa, ularni ishlab chiqarish korxonalariga jalb etish va doimiy ish o‘rinlari yaratish maqsadida amaliy chora-tadbirlarni birgalikda ishlab chiqish va hayotga tatbiq etishga kelishib olindi.

Mazkur tashrif davomida yoshlar bilan manzilli ishlashni kuchaytirish, ularning tashabbuslarini qo‘llab-quvvatlash va bandligini ta’minlash borasidagi ishlar izchil davom ettirilishi ta’kidlandi.