🌀🌀🌀 61-sonli umumta’lim maktabida o‘quvchilarga yaratilgan shart-sharoitlar deputatlar tomonidan o‘rganildi 

✅ Oliy Majlis qonunchilik palatasi deputati U.A.Yakubxodjayev, Xalq deputatlari tuman Kengashi raisi B.K.Xaitov va tuman Kengashi deputatlari ishtirokida O‘zbekiston Ruspublikasi Prezidentining 2021-yil 13-apreldagi “Budjet jarayonida fuqarolarning faol ishtirokini taʼminlash boʻyicha qoʻshimcha chora-tadbirlar toʻgʻrisida”gi PQ-5072-sonli qarorlari hamda O‘zbekiston Respublikasi Oliy Majlis Senati Kengashining 2024-yil 30-yanvardagi “Tashabbusli budjet jarayonlarini o‘tkazish hamda moliyalashtirish tartibi to‘g‘risidagi nizomni tasdiqlash to‘g‘risida”gi KQ-666-IV-sonli qarorlari asosida kiritilgan takliflar va ularni moliyalashtirish hamda umumta’lim maktabida o‘quvchilarga yaratilgan shart-sharoitlar yuzasidan o‘rganish olib bordi. 

✅O‘rganish davomida 61-sonli umumta’lim maktabida o‘quvchilarga yaratilgan shart sharoitlar, isitish tizimi, o‘quvchilarning xavfsiz ta’lim olishi uchun maktab ma’muriyati tomonidan yaratilgan imkoniyatlar, o‘qituvchilarning salohiyati va ularni rag‘batlantirish yuzasidan olib borilayotgan ishlar o‘rganildi. 

✅ O‘rganish yuzasidan aniqlangan kamchiliklar va ularni bartaraf etish bo‘yicha tegishli tashkilotlarga deputatlik so'rovlari yuborilishi belgilab olindi.