Xalq deputatlari Qibray tumani Kengashi deputati Toirov Olim Nosirovich tomonidan deputatlik so‘rovi yuborildi.

 Deputatlik so‘rovi “Xalq deputatlari viloyat, tuman va shahar Kengashi deputatining maqomi to‘g‘risida”gi O‘zbekiston Respublikasi Qonunining 8-moddasi talablariga muvofiq tarzda tayyorlanib, tuman elektr ta’minoti boshlig‘i Sh.Mamajonov nomiga yo‘naltirildi.

 So‘rovda qayd etilishicha, “May” mahallasi hududidagi transformator hamda ma’nan eskirgan simyog‘ochlarni zamonaviy beton tayanch ustunlariga almashtirish masalasini ko‘rib chiqish hamda bu borada tegishli amaliy choralar ko‘rishini so‘ragan.

 Mazkur deputatlik so‘rovi mahalla tizimi faoliyatini qo‘llab-quvvatlash va fuqarolarga qulay ijtimoiy muhit yaratish yo‘lida amalga oshirilayotgan ishlarning yana bir muhim bosqichi sifatida e’tirof etiladi.