Aholini eng zarur iste’mol mahsulotlari bilan barqaror ta’minlash, bozorlardagi narx-navoning holatini o‘rganish maqsadida Xalq deputatlari Guliston shahar Kengashi deputati E.Abduraxmonov tomonidan o‘rganish ishlari olib borildi.

Deputat “Yangi hayot” mahallasi hududida joylashgan bozorda bo‘lib, mas’ul tashkilot vakillari bilan birgalikda bozordagi oziq-ovqat mahsulotlari narx-navosi, mahsulotlarning yetarliligi hamda savdo jarayonlari holatini o‘rgandi.

O‘rganish jarayonida bozorlarda aholining kundalik iste’moli uchun zarur bo‘lgan asosiy oziq-ovqat mahsulotlari — un, go‘sht, sabzavot, yog‘-moy va boshqa mahsulotlarning narxlari hamda ularning savdo rastalaridagi mavjudligi ko‘zdan kechirildi.

Shuningdek, sotuvchilar va fuqarolar bilan suhbatlar o‘tkazilib, bozordagi savdo faoliyati, mahsulotlarning sifati hamda aholiga qulay sharoitlar yaratish masalalari muhokama qilindi.

O‘rganish yakunida aniqlangan masalalar yuzasidan mas’ullarga tegishli tavsiyalar berildi hamda bozorlarda mahsulotlar yetarliligini ta’minlash va narx-navoni barqaror saqlash bo‘yicha ishlarni davom ettirish zarurligi ta’kidlandi.