Olmazor tumani Tepaguzar MFY hududida “Tepaguzar” hamda “Tabassum” mahallalari aholisi bilan ochiq muloqot uchrashuvi bo‘lib o‘tdi.

Uchrashuvda Xalq deputatlari Olmazor tumani Kengashi deputatlari — 8-Tabassum saylov okrugi deputati S. Ismailov va 21-Namuna saylov okrugi deputati D. Raxmatullayev (kotibiyat mudiri), Olmazor tumani hokimligi vakillari, shuningdek “Tepaguzar” va “Tabassum” mahallalarining “mahalla yettiligi” a’zolari ishtirok etdilar.

Tadbir davomida mahalla raislari tomonidan hududda amalga oshirilgan ishlar yuzasidan yillik hisobot taqdim etildi. Shuningdek, deputat S. Ismailov tomonidan 2025-yil IV choragida amalga oshirilgan ishlar bo‘yicha batafsil ma’lumot berildi.

Uchrashuv yakunida aholi tomonidan ko‘tarilgan muammolar, taklif va savollar atroflicha muhokama qilinib, masalalar yuzasidan tegishli tushuntirishlar berildi hamda ularni hal etish bo‘yicha mas’ullarga tegishli vazifalar belgilandi.

Bunday ochiq muloqotlar hududni rivojlantirish, aholi muammolarini o‘z vaqtida aniqlash va samarali yechim topishda muhim ahamiyat kasb etadi.