Xalq deputatlari Yangiobod tuman Kengashining Agrar, suv xo‘jaligi va ekologiya masalalari bo‘yicha doimiy komissiyasi raisi A.Isroilov tomonidan Havotog‘ QFYda “Yashil makon” umummilliy loyihasi doirasida ko‘chat ekish ishlari amalga oshirilish jarayoni bilan tanishildi.

O‘rganish davomida hududda ekilayotgan ko‘chatlarning turi va holati, ularni ekish jarayonining tashkil etilishi, ko‘chatlar uchun zarur sharoitlarning yaratilishi hamda ekilgan daraxtlarni parvarishlash masalalariga e’tibor qaratildi.

Shuningdek, ko‘chatlarni ekish bilan bir qatorda ularning sug‘orilishi, muntazam parvarishi va saqlanishini ta’minlash, yashil hududlarni kengaytirish hamda ekilgan har bir ko‘chatning tutib ketishiga erishish muhimligi qayd etildi.

Joylarda amalga oshirilayotgan ishlarning samaradorligini oshirish, ko‘chat ekish jarayonini belgilangan talablar asosida tashkil etish va yashil hududlarni muntazam parvarishlab borish yuzasidan mas’ullarga tegishli tavsiyalar berildi.