Machay mahallasida asfaltlash ishlari o‘rganildi

🏘️ Xalq deputatlari Boysun tuman Kengashining 25-“Machay” saylov okrugidan saylangan deputati H.Eshonqulov tomonidan Machay mahallasida amalga oshirilayotgan asfaltlash ishlari o‘rganildi.

📄 Mazkur ishlar xalq deputatlari Boysun tuman Kengashining 2026-yil 3-martdagi VII-20-18-8-110-K/26-sonli qarori bilan tasdiqlangan manzilli dastur doirasida amalga oshirilmoqda. Qarorning 2-ilovasida “O‘rta Machay” MFY uchun jami 3 mlrd so‘mlik loyihalar belgilangan.

🛣 Qarorga muvofiq, “O‘rta Machay” MFYda tadbirkorlar uchun qulay shart-sharoit yaratish yo‘nalishida 3,1 km masofada asfalt yotqizish ishlari belgilangan bo‘lib, loyiha qiymati 1 mlrd so‘mni tashkil etadi.

👷‍♂️ O‘rganish davomida asfaltlash ishlarining borishi, yo‘l qoplamasining sifatli bajarilishi, belgilangan hajm va talablarga rioya etilishi hamda aholi uchun qulay va xavfsiz harakatlanish sharoitlarini yaratish masalalariga e’tibor qaratildi.

🤝 Deputat tomonidan amalga oshirilayotgan ishlarning sifatli va o‘z vaqtida yakunlanishi, aniqlangan kamchiliklarni bartaraf etish hamda belgilangan loyiha talablariga qat’iy rioya qilish yuzasidan mas’ullar bilan fikr almashildi.

📌 Maqsad — Machay mahallasida yo‘l infratuzilmasini yaxshilash, aholi va tadbirkorlar uchun qulay harakatlanish sharoitlarini yaratish hamda belgilangan loyihalar ijrosini ta’minlash.