#Ish_reja_ijrosi
#Haftalik_ish_reja_ijrosi
#24_ta_masala
19¹-modda
🏟 MAKTABDA YANGI SPORT ZALINING HOLATI O‘RGANILDI

🏛 Xalq deputatlari Sherobod tumani Kengashining 3-Poshxurt saylov okrugi deputati I.Nuriddinov hamda Kengash kotibiyati bosh mutaxassisi S.Safarov tomonidan 45-sonli umumta’lim maktabida o‘rganish ishlari olib borildi.

🔎 O‘rganish davomida O‘zbekiston Respublikasi Prezidentining 2024-yil 28-martdagi PQ-141-son qaroriga muvofiq, Islom taraqqiyot banki ishtirokida amalga oshirilayotgan “Qishloq joylarni kompleks rivojlantirish” loyihasining 2-bosqichi doirasida maktabda yangi foydalanishga topshirilgan sport zalining holati ko‘zdan kechirildi.

🏗 Jumladan, sport zalining moddiy-texnik holati, jihozlanishi, sanitariya va xavfsizlik talablariga muvofiqligi, shuningdek, o‘quvchilarning jismoniy tarbiya mashg‘ulotlari va sport to‘garaklarini samarali tashkil etish uchun yaratilgan sharoitlar o‘rganildi.

⚽️ Yangi sport zalining maktab o‘quvchilari uchun zamonaviy va qulay sport infratuzilmasini shakllantirishdagi ahamiyatiga alohida e’tibor qaratildi.

📌 O‘rganish davomida aniqlangan holatlar yuzasidan tegishli mas’ullar bilan fikr almashilib, sport zalidan samarali foydalanish, uning jihozlarini asrab-avaylash hamda o‘quvchilar uchun yaratilgan imkoniyatlardan unumli foydalanishni ta’minlash bo‘yicha tavsiyalar bildirildi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram