Xalq deputatlari Qo‘qon shahar Kengashi deputati F.Mamajonov tomonidan “Aziz tepa” mahalla fuqarolar yig‘inida yoshlar yetakchisi X.Abdullayevning O‘zbekiston Respublikasining 2016-yil 14-sentabrdagi O‘RQ-406-sonli “Yoshlarga oid davlat siyosati to‘g‘risida”gi Qonuni ijrosini ta’minlash borasida olib borayotgan ishlari o‘rganildi.

O‘rganish davomida mahallada yoshlarni qo‘llab-quvvatlash, ularning ta’lim olishi uchun zarur shart-sharoitlarni yaratish, ijtimoiy ko‘makka muhtoj yoshlarni aniqlash hamda mavjud imkoniyatlardan samarali foydalanish borasida amalga oshirilayotgan ishlar ko‘rib chiqildi.

Jumladan, “Aziz tepa” MFY, Sariqqamish ko‘chasi, 178-uyda yashovchi fuqaro Sh.Yuldashevaning oliy ta’lim muassasasida tahsil olayotgan farzandining kontrakt to‘lovini belgilangan tartibda amalga oshirishda amaliy yordam ko‘rsatilgani ma’lum bo‘ldi.

Mazkur holat yoshlarning ta’lim olish imkoniyatlarini qo‘llab-quvvatlash, ijtimoiy himoyaga muhtoj oilalarga manzilli ko‘mak ko‘rsatish hamda yoshlar bilan individual ishlash borasidagi chora-tadbirlarning amaliy natijalaridan biri sifatida qayd etildi.

O‘rganish yakunida yoshlarning ta’lim olishi, bandligini ta’minlash, kasb-hunarga yo‘naltirish va ijtimoiy qo‘llab-quvvatlashga qaratilgan ishlarni yanada kuchaytirish yuzasidan tegishli tavsiya va takliflar bildirildi.

Xalq deputatlari Qo‘qon shahar Kengashi