#Haftalik_yig‘ilish_o‘tkazildi

Xalq deputatlari Angor tumani Kengashi kotibiyati mudiri M. Yarmatov tomonidan kotibiyat xodimlari ishtirokida haftalik ishlarni tashkil etish va kelgusidagi vazifalarni belgilash yuzasidan yig‘ilish o‘tkazildi.

Yig‘ilishda Kengashning navbatdagi 27-sessiyasini yuqori saviyada tashkil etish, sessiya kun tartibidagi masalalarni puxta tayyorlash hamda jarayonni ommaviy axborot vositalari va Kengashning ijtimoiy tarmoqlardagi rasmiy sahifalarida keng va tezkor yoritish bo‘yicha tegishli vazifalar belgilab berildi.

Shuningdek, haftalik ish rejasida nazarda tutilgan vazifalarning o‘z vaqtida va sifatli ijrosini ta’minlash, ijro intizomiga qat’iy rioya etish yuzasidan mutaxassislariga aniq topshiriqlar berildi.