Kengash va “Madad” hamkorligi: aholiga bepul huquqiy yordam.

Aholining huquqiy savodxonligini oshirish, fuqarolarning murojaatlariga huquqiy jihatdan ko‘maklashish hamda ularni qiynayotgan masalalarga amaliy yechim topish maqsadida hamkorlik ishlari izchil davom ettirilmoqda.

Shu maqsadda Xalq deputatlari Angor tumani Kengashi kotibiyati bosh mutaxassisi M. Choriyeva Adliya bo‘limi huzuridagi “Madad” huquqiy maslahat byurosiga tashrif buyurdi.

O‘rganish davomida fuqarolardan kelib tushayotgan murojaatlar, ularga ko‘rsatilayotgan huquqiy xizmatlar hamda mavjud muammolar yuzasidan fikr almashildi.

Ma’lumotlarga ko‘ra, joriy oy davomida fuqarolardan 12 ta murojaat kelib tushgan bo‘lib, mazkur murojaatlar yuzasidan tegishli huquqiy choralar ko‘rilib, arizalar rasmiylashtirilgan. O‘tgan oy davomida esa 32 nafar fuqaroga da’vo arizalarini tayyorlab berilgan.

Muloqot chog‘ida fuqarolarning turli masalalardagi murojaatlari o‘rganilib, ularning aksariyatiga joyida huquqiy tushuntirish va tavsiyalar berildi.

🤝 Kengash va “Madad” huquqiy maslahat byurosi hamkorligining asosiy maqsadi — aholining qonuniy huquq va manfaatlarini himoya qilish, huquqiy masalalarda fuqarolarga bepul maslahat va amaliy ko‘mak ko‘rsatishdan iborat.