URUG‘CHILIK SOHASIDA DEPUTATLIK NAZORATI
Xalq deputatlari Pastdarg‘om tumani Kengashining Agrar, suv xo‘jaligi masalalari boʻyicha doimiy
komissiyasi tomonidan qishloq xo‘jaligi ekinlari urug‘chiligi sohasidagi qonunchilik hujjatlari ijrosi yuzasidan deputatlik nazorati olib borilmoqda.
📌 O‘rganishlar O‘zbekiston Respublikasi Vazirlar Mahkamasining 2021-yil 12-oktabrdagi 641-son qarori talablari asosida tashkil etilib, tumandagi urug‘lik yetishtiruvchi xo‘jaliklar va mas’ul tashkilotlar faoliyatiga e’tibor qaratilmoqda.
📋 Deputatlar tomonidan mas’ul tashkilotlar va mutaxassislarga aniq savollar berilib, aniqlangan kamchiliklarni bartaraf etish bo‘yicha taklif va tavsiyalar ishlab chiqilmoqda.
🎯 Mazkur deputatlik nazoratining asosiy maqsadi — tumanda sifatli va navdor urug‘lik yetishtirishni ta’minlash, qishloq xo‘jaligi mahsulotlari hosildorligini oshirish hamda amaldagi talablarning to‘liq ijrosini ta’minlashdan iborat.