Xalq deputatlari Chilonzor tuman Kengashi deputati, Kengash raisi Xontupi mahallasidagi mahalla yettiligi bilan uchrashuv o‘tkazdi.
Uchrashuv davomida mahallaning ijtimoiy-iqtisodiy holati, hududda mavjud muammo va kamchiliklar, aholini qiynayotgan masalalar yuzasidan fikr almashildi.
Shuningdek, yoshlar, ayollar va xotin-qizlar bilan bog‘liq muammolar, ularning bandligini ta’minlash, ijtimoiy qo‘llab-quvvatlash, oilaviy muhitni mustahkamlash hamda oilaviy ajrimlarning oldini olish masalalariga alohida e’tibor qaratildi.
Mahalla yettiligi tomonidan bildirilgan taklif va muammolar tinglanib, ularni hal etish bo‘yicha mas’ul tashkilotlar bilan hamkorlikda amaliy choralar ko‘rish muhimligi ta’kidlandi.
Bunday uchrashuvlar aholi muammolarini joyida o‘rganish, ularga yechim topish va mahallada sog‘lom ijtimoiy muhitni shakllantirishda muhim ahamiyat kasb etadi.