Oltinsoy tumani hokimi, Xalq deputatlari Oltinsoy tumani Kengashi deputati Otabek Mavlyanov hamda Xalq deputatlari Oltinsoy tumani Kengashining 2-“Qurama” saylov okrugi deputati Choriyeva Nargiza Abdug‘afforovna ishtirokida “Obod turmush” mahallasida aholi bilan ochiq muloqot o‘tkazildi.

Muloqot davomida fuqarolarning kundalik hayotida uchrayotgan muammolar, mavjud ijtimoiy masalalar, murojaat va takliflari tinglanib, ularning mazmun-mohiyati batafsil o‘rganildi.

Bildirilgan murojaatlarni imkon qadar joyida hal etish, yechimi qo‘shimcha choralarni talab etadigan masalalar bo‘yicha esa tegishli mutasaddi tashkilotlarga aniq topshiriq va ko‘rsatmalar berildi.

Shuningdek, har bir murojaatning ijrosini ta’minlash, mas’ul tashkilotlar tomonidan belgilangan vazifalarning o‘z vaqtida va sifatli bajarilishini nazorat qilish yuzasidan tegishli choralar belgilandi.

Fuqarolar tomonidan bildirilgan murojaat va takliflarning ijrosi hokim-deputat tomonidan belgilangan tartibda nazoratga olindi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz