O‘zbekiston Respublikasi Prezidentining PQ-393-son qarori asosida Pastdarg‘om tumanida bir qator ijtimoiy obyektlarni rekonstruksiya qilish va qo‘shimcha binolar qurish bo‘yicha keng ko‘lamli ishlar amalga oshirilmoqda.

Dastur doirasida “Navro‘z” tez tibbiy yordam shoxobchasi binosini rekonstruksiya qilish, mavjud 50 qatnovli binoni 1-tip OP talablariga moslashtirish ishlari olib borilmoqda.

Xalq deputatlari tuman Kengashi deputati Nodir Dusmurodov mazkur obyektda bo‘lib, qurilish-montaj ishlari jarayoni, bajarilayotgan ishlar sifati va belgilangan muddatlarga rioya etilishi holatini o‘rgandi.

O‘rganish davomida mas’ullarga qurilish ishlarini sifatli va o‘z vaqtida yakunlash, zamonaviy tibbiy xizmat ko‘rsatish uchun zarur sharoitlarni yaratish yuzasidan tavsiyalar berildi.

Mazkur loyiha aholi salomatligini muhofaza qilish, tez tibbiy yordam xizmatlari sifatini yaxshilash hamda fuqarolarga qulay tibbiy xizmat ko‘rsatishni kengaytirishga xizmat qiladi.