#deputatlik_faoliyati #Kotibiyat_hududlarda #Open_byudjet #Doimiy_komissiyalar_nazorati #ekspert_guruhlari

“Tashabbusli byudjet” - 20-DMTTdagi loyiha joyiga chiqib o‘rganildi

🇺🇿 Oliy Majlis Qonunchilik palatasi deputati Durbek Axmedov hamda xalq deputatlari Uchtepa tumani Kengashining agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi a'zolari Avaz Xudayberganov va Sanjar Djalolov tomonidan “Tashabbusli byudjet” jarayonining 2026-yil 2-mavsumi doirasida muhim o‘rganish ishlari olib borildi.

📍 O‘rganish ishlari tumandagi 20-sonli davlat maktabgacha ta’lim tashkilotida (DMTT) amalga oshirildi. Mazkur loyiha ovoz berish yakunlariga ko‘ra g‘olib deb topilmagan bo‘lsa-da, bolalar uchun qulay va xavfsiz shart-sharoitlarni yaratish, ta’lim-tarbiya jarayonini yanada yaxshilash hamda muassasaning mavjud infratuzilmasini rivojlantirish nuqtayi nazaridan ijtimoiy ahamiyatga ega ekani qayd etildi.

🔎 O‘rganish davomida 20-DMTT hududining bugungi holati, mavjud infratuzilma va moddiy-texnik baza, bolalar uchun yaratilgan sharoitlar hamda loyiha doirasida amalga oshirilishi ko‘zda tutilgan ishlarning dolzarbligi atroflicha ko‘rib chiqildi.

⚙️ Shuningdek, muassasada tarbiyalanuvchilar uchun yanada qulay muhit yaratish, hududni obodonlashtirish va mavjud imkoniyatlardan samarali foydalanish masalalari yuzasidan fikr almashildi.

💼 O‘rganish jarayonida xalq deputatlari Uchtepa tumani Kengashi kotibiyati bosh mutaxassisi Umidbek Abilov, Kengash Ekspert guruhi a’zolari hamda 20-DMTT rahbariyati ishtirok etdilar.

📈  “Tashabbusli byudjet” — fuqarolarning o‘z hududidagi muammolarni aniqlash, ularni hal etish bo‘yicha tashabbus ko‘rsatish va mahalliy rivojlanish jarayonlarida bevosita ishtirok etish imkonini beruvchi muhim mexanizmdir. G‘olib bo‘lmagan tashabbuslarni ham joyiga chiqib o‘rganish orqali aholining ehtiyojlari va ijtimoiy ahamiyatga ega loyihalarning istiqbollari baholanmoqda.