#Deputatlik_nazorati #Kotibiyat_hududlarda #Talim #ekspert_guruhlari

“Kelajak markazi” faoliyati o‘rganildi

🇺🇿 Xalq deputatlari Uchtepa tumani Kengashi "8-Ko'kcha-Oqtepa" okrugi deputati Imamov Sabitjon Xudaynazarovich tashabbusi bilan Uchtepa tumani Ko‘kcha Oqtepa mahallasi hududida faoliyat yuritayotgan “Kelajak markazi”ning bugungi faoliyati, yoshlar va bolalar uchun yaratilgan shart-sharoitlar hamda to‘garaklar faoliyati o‘rganildi.

🧠 Mazkur markaz yosh avlodning bo‘sh vaqtini mazmunli tashkil etish, ularning qiziqish va iste’dodlarini ro‘yobga chiqarish, yangi bilim va amaliy ko‘nikmalarni egallashiga ko‘maklashish maqsadida faoliyat yuritmoqda.

📚 Markazda 20 dan ortiq turli yo‘nalishdagi to‘garaklar yo‘lga qo‘yilgan bo‘lib, ularda bolalar va yoshlar o‘z qiziqishlaridan kelib chiqib muntazam shug‘ullanish imkoniyatiga ega.

To‘garaklar faoliyati davomida yoshlarning:

🎨 ijodiy qobiliyatlarini rivojlantirish;
💻 zamonaviy texnologiyalar va raqamli ko‘nikmalarni egallash;
🌐 xorijiy tillarni o‘rganish;
🧠 intellektual salohiyatini oshirish;
🎭 san’at va madaniyatga bo‘lgan qiziqishini kengaytirish;
⚽️ sport va sog‘lom turmush tarziga bo‘lgan intilishini kuchaytirish;
⚙️ amaliy va kasbiy ko‘nikmalarini shakllantirish uchun zarur imkoniyatlar yaratilgan.

🕯 O‘rganish davomida markazdagi mavjud moddiy-texnik baza, mashg‘ulotlar uchun yaratilgan sharoitlar, to‘garaklarning qatnashuv darajasi, mashg‘ulotlar mazmuni hamda yoshlar uchun yaratilgan imkoniyatlar ko‘zdan kechirildi.

📈 Shuningdek, markaz faoliyatini yanada rivojlantirish, to‘garaklar qamrovini kengaytirish, yoshlarning talab va qiziqishlaridan kelib chiqib yangi yo‘nalishlarni yo‘lga qo‘yish masalalari yuzasidan fikr almashildi.

💼 O‘rganish jarayonida xalq deputatlari Uchtepa tumani Kengashi kotibiyati bosh mutaxassisi Umidbek Abilov, Ekspert guruhi a’zolari hamda “Kelajak markazi” rahbariyati ishtirok etdilar.

↗️ Yoshlarning bo‘sh vaqtini mazmunli tashkil etish — ularning kelajagiga yo‘naltirilgan muhim sarmoyadir. “Kelajak markazi” kabi maskanlar yoshlarning o‘z iste’dodini namoyon etishi, yangi bilimlarni egallashi va kelajakdagi kasbiy yo‘lini to‘g‘ri tanlashida muhim platforma bo‘lib xizmat qiladi.