Xalq deputatlari Toyloq tuman Kengashi Kotibiyati bosh mutaxassisi Sh. G‘afforov tomonidan 25-Yangi Toyloq saylov okrugi hududiga kiruvchi Charag‘bon mahallasida o‘rganish ishlari olib borildi.

O‘rganish davomida mahalladagi soliq inspektoriga yuklatilgan vazifalarning ijrosi, aholi bilan olib borilayotgan amaliy ishlar hamda soliq qarzdorligini kamaytirish borasidagi faoliyat holati ko‘zdan kechirildi.

Shuningdek, ko‘p qavatli uylarda hamda aholi xonadonlarida soliq to‘lovlari va mavjud qarzdorliklar bo‘yicha amalga oshirilayotgan ishlar o‘rganildi. Fuqarolarga soliq majburiyatlarini o‘z vaqtida bajarish yuzasidan tushuntirishlar berilishi hamda mavjud muammolarni bartaraf etish bo‘yicha olib borilayotgan ishlarning samaradorligiga alohida e’tibor qaratildi.

O‘rganish yakunlari bo‘yicha aniqlangan masalalar yuzasidan tegishli tavsiyalar berilib, ularning ijrosi nazoratga olindi.