Iqtisodiyot va moliya bo‘limi hisobotlari ko‘rib chiqildi

Xalq deputatlari Termiz tuman Kengashining navbatdagi sessiyasida kun tartibiga kiritilgan moliyaviy masalalar yuzasidan Termiz tumani Iqtisodiyot va moliya bo‘limi o‘rinbosari U. Ishmatovning hisobotlari tinglandi.
Sessiyada 2026-yilning II choragi davomida jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘larning sarflanishi hamda mazkur hisobotni tasdiqlash masalasi muhokama qilindi.

Shuningdek, “Infratuzilma va ijtimoiy barqarorlik” jamg‘armasi mablag‘larini ustuvor yo‘nalishlarga yo‘naltirish hamda Termiz tumani mahalliy budjetining 2026-yil II chorak ijrosi yuzasidan amalga oshirilgan ishlar to‘g‘risidagi hisobot deputatlar e’tiboriga havola etildi.

Muhokamalar davomida budjet mablag‘laridan maqsadli va samarali foydalanish, hududlarni kompleks rivojlantirish, infratuzilma loyihalarini o‘z vaqtida moliyalashtirish hamda jamoatchilik fikri asosida ilgari surilgan tashabbuslarni izchil amalga oshirish yuzasidan tegishli vazifalar belgilandi.

Kun tartibidagi masalalar yuzasidan deputatlar tomonidan berilgan savollarga batafsil javoblar qaytarilib, tegishli Kengash qarorlari qabul qilindi.