Xalq deputatlari Qo‘qon shahar Kengashining navbatdagi sessiyasi kun tartibiga kiritilgan masalalar yuzasidan tizimli tayyorgarlik ishlari olib borilmoqda.

Xususan, sessiyada ko‘rib chiqilishi rejalashtirilgan qaror loyihalarining huquqiy jihatdan puxta va amaldagi qonunchilik talablariga to‘liq mos bo‘lishini ta’minlash maqsadida "Madad" nodavlat notijorat tashkiloti huquqshunosi ishtirokida muhokama tashkil etildi.

Muhokama davomida har bir qaror loyihasining huquqiy asoslari, amaldagi normativ-huquqiy hujjatlarga muvofiqligi hamda ularning amaliy ijro mexanizmlari atroflicha tahlil qilindi. Shuningdek, hujjatlarni yanada takomillashtirish yuzasidan mutaxassis tomonidan tegishli tavsiya va takliflar bildirildi.

Qaror loyihalarini malakali huquqshunoslar ishtirokida ko‘rib chiqish ularning qonuniyligi, sifatini oshirish hamda amaliyotda samarali ijrosini ta’minlashda muhim ahamiyat kasb etadi.

Xalq deputatlari Qo‘qon shahar Kengashi