Xalq deputatlari Parkent tuman Kengashining yettinchi chaqiriq navbatdagi 27-sessiyasida O‘zbekiston Respublikasi Prezidentining Parkent tumanidagi Xalq qabulxonasining tumanda jismoniy va yuridik shaxslarning murojaatlari hamda aholi muammolari bilan ishlash holati yuzasidan axboroti eshitildi.Mazkur masala yuzasidan axborotni Xalq deputatlari Parkent tumani Kengashiga 23-"Nomdanak" saylov okrugidan saylangan deputat, Parkent tumani hokimi Elmurod Po‘latov taqdim etdi.Axborot davomida tumanda fuqarolar murojaatlarini ko‘rib chiqish, sayyor qabullarni tashkil etish, murojaatlar orqali ko‘tarilgan muammolarni tizimli hal etish, ijro intizomini ta’minlash hamda aholi bilan ishlash samaradorligini oshirish borasida amalga oshirilgan ishlar yuzasidan batafsil ma’lumot berildi.Shuningdek, murojaatlar tahlili asosida aniqlangan dolzarb muammolar, ularni bartaraf etish bo‘yicha ko‘rilayotgan choralar hamda kelgusida amalga oshirilishi belgilangan ustuvor vazifalar yuzasidan axborot taqdim etildi.Mazkur masala bo‘yicha Xalq deputatlari Parkent tuman Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi a’zosi Mannonov Abduzarif Abduraufovich tomonidan doimiy komissiyaning xulosasi o‘qib eshittirildi va sessiya ishtirokchilari tomonidan muhokama qilindi.Muhokamalar davomida fuqarolar murojaatlarining o‘z vaqtida va sifatli ko‘rib chiqilishini ta’minlash, takroriy murojaatlar sonini kamaytirish, joylardagi muammolarni tizimli hal etish hamda mas’ul tashkilotlarning bu boradagi faoliyatini yanada kuchaytirish yuzasidan qator taklif va tavsiyalar bildirildi.Muhokamalar yakunida deputatlar tomonidan bildirilgan taklif va tavsiyalar inobatga olinib, mazkur masala yuzasidan Xalq deputatlari Parkent tuman Kengashining tegishli qarori qabul qilindi.