Qarorda viloyatda erishilgan ijobiy natijalar bilan bir qatorda, transport, sanoat, eksport, bandlik, investitsiya, tadbirkorlikni qo‘llab-quvvatlash hamda kambag‘allikni qisqartirish yo‘nalishlarida mavjud kamchiliklar ochiq ko‘rsatib o‘tildi. Ularni bartaraf etish yuzasidan vazirlik va idoralar, mahalliy hokimliklar hamda mutasaddi tashkilotlar oldiga aniq vazifalar belgilandi.

Alohida e'tiborga molik jihat shundaki, qaror bilan xalq deputatlari viloyat, tuman va shahar Kengashlariga hududlarni rivojlantirish, aholi bandligini ta'minlash hamda kambag‘allikni qisqartirish dasturlari ijrosi ustidan deputatlik nazoratini kuchaytirish, mas'ul rahbarlarning hisobotlarini Kengash sessiyalarida muntazam eshitish va tanqidiy muhokama qilish tavsiya etildi.

Deputatlik nazorati – bu faqat hisobot tinglash emas, balki davlat dasturlari ijrosini joylarda samarali tashkil etish, muammolarni o‘z vaqtida aniqlash va ularning yechimi bo‘yicha amaliy choralar ko‘rilishini ta'minlashning muhim mexanizmidir.

Kuchli deputatlik nazorati – hududlar taraqqiyoti, aholi bandligi va xalq farovonligining ishonchli kafolatidir.