Xalıq deputatları Bozataw rayonlıq Keńesine ÓzLiDePten saylanǵan 12-"Aspantay" saylaw okrugi deputatı, G.Jumanazarovanıń "Aspantay" APJ Zıyalılar kóshe baslıǵı Mırjabay Sayitov penen ushırasıp, úyme-úy júrip, xalıqtıń mashqalaların úyrengeni jergilikli dárejedegi máselelerdi sheshiwde áhmiyetli qádem bolıp esaplanadı.
Ishki jollardıń jaǵdayı, taza ishimlik suwı hám elektr energiyası támiynatın jaqsılaw, túngi jaqtılandırıw shıraqların ornatıw, kem támiyinlengen, baǵıwshısın joǵaltqan shańaraqlar, mayıplıǵı bolǵan shaxslar halınan xabar alıw hám olarǵa materiallıq hám ruwxıy járdem beriw, xalıq, ásirese hayal-qızlar hám jaslar bántligin támiyinlew, shańaraqlıq isbilermenlikti rawajlandırıw ushın jeńilletilgen kreditler ajıratılıwına kómeklesiw, aymaqtaǵı salma hám kollektorlardı tazalaw, shıǵındılardı alıp shıǵıw sistemasın tártipke salıw máseleleri úyrenildi.
Deputat tárepinen anıqlanǵan mashqalalar hám puqaralardıń múrájatları rayonlıq Keńes sessiyalarında kórip shıǵılıwı yamasa tiyisli shólkemlerge deputatlıq sorawı sıpatında jiberiliwi arqalı óz sheshimin tabadı.