Hokim yordamchisi tomonidan amalga oshirilayotgan ishlar samaradorligi, xususan aholini kambag‘allikdan chiqarish ishlari o'rganildi

🔰 Xalq deputatlari Chinoz tumani Kengashiga O‘zXDP partiyasidan 2–Xamza saylov okrugidan saylangan deputat Asqar Baxramov tomonidan Kengash ish rejasiga muvofiq tumandagi “Xamza” MFYda hokim yordamchisi tomonidan amalga oshirilayotgan ishlar samaradorligi, xususan aholini kambag‘allikdan chiqarish borasidagi ishlar holati o‘rganildi.

📌 O‘rganish davomida bugungi kunda “Xamza” MFYda joriy yilning yanvar–aprel oylarida 27 nafar fuqaro o‘zini o‘zi band qilgan holda faoliyat boshlagani ma’lum bo‘ldi.

💰 Shuningdek, “Har bir oila tadbirkor” dasturi doirasida aholiga jami 640 mln so‘m kredit mablag‘lari ajratilib, natijada 54 nafar fuqaroning bandligi ta’minlandi.

📈 Bundan tashqari, norasmiy sektorda faoliyat yuritayotgan fuqarolarni o‘zini o‘zi band qilgan holda ro‘yxatdan o‘tkazish, shuningdek YATT va MCHJ tashkil etish orqali ularning faoliyatini qonuniylashtirish ishlari olib borilmoqda.

🤝 O‘rganish yakunida aholi bandligini oshirish, tadbirkorlikni qo‘llab-quvvatlash hamda kambag‘allikni qisqartirish borasidagi ishlarni yanada kuchaytirish yuzasidan tegishli tavsiya va takliflar bildirildi.