Xalq deputatlari Uchquduq tumani Kengashi deputati A.Hamidov tomonidan “Altintau” OFYda mahalla yettiligi hamda tegishli tashkilot va idoralar rahbarlari ishtirokida aholi bilan ochiq muloqot tarzida uchrashuv tashkil etildi.

 Uchrashuv davomida fuqarolar tomonidan ko‘tarilgan dolzarb masalalar, xususan, bandlik, ijtimoiy qo‘llab-quvvatlash, infratuzilma, kommunal xizmatlar sifati hamda boshqa hayotiy muammolar atroflicha muhokama qilindi. Har bir murojaat diqqat bilan tinglanib, joyida hal etilishi mumkin bo‘lgan masalalar yuzasidan tezkor choralar belgilandi.

Shuningdek, murakkabroq yechim talab etuvchi murojaatlar tegishli tashkilotlarga yo‘naltirilib, ularning ijrosi qat’iy nazoratga olindi. Mas’ul rahbarlarga aniq vazifalar yuklatilib, bajarilish muddatlari belgilab berildi.

 Uchrashuv ochiq va samimiy ruhda o‘tib, fuqarolar o‘zlarini qiynayotgan masalalarni bevosita deputatga yetkazish imkoniga ega bo‘ldilar. Bu esa aholining davlat organlariga bo‘lgan ishonchini yanada mustahkamlashga xizmat qilmoqda.

Ta’kidlanganidek, bunday ochiq muloqotlar joylarda mavjud muammolarni aniqlash va ularni tizimli hal etishda muhim ahamiyat kasb etadi.

 Mazkur yo‘nalishdagi ishlar doimiy deputat nazoratida bo‘lib, fuqarolar manfaatlarini ta’minlash, ularning turmush darajasini yaxshilashga qaratilgan ishlar izchil davom ettiriladi.