Xalq deputatlari Paxtakor tumani Kengashi kotibiyati mudiri, deputat K. Mamanova hamda bosh mutaxassislar Sh.To‘xtamishev va R.Ortiqboyev tumandagi dzyudo zaliga tashrif buyurishdi.

Xalq deputatlari Paxtakor tumani Kengashining navbatdagi 26-sessiyasida tuman sport bo‘limining hisoboti rejalashtirilganligi sababli sport inshootlarining bugungi holati joyiga chiqib o‘rganildi. Tashrif davomida zalning moddiy-texnik bazasi, mavjud sharoitlar va sportchilar uchun yaratilgan imkoniyatlar atroflicha ko‘zdan kechirildi.

Shuningdek yosh sportchilar bilan ochiq va samimiy muloqot tashkil etilib ularning yutuqlari kelgusi maqsadlari hamda duch kelayotgan muammolari tinglandi. 

Bunday o‘rganishlar orqali mavjud kamchiliklarni aniqlash, ularni bartaraf etish hamda sportchilar uchun yanada qulay va zamonaviy sharoitlar yaratish bo‘yicha aniq choralar belgilanishi kutilmoqda.