19¹-modda ijrosi doirasida nazorat tadbiri.

Xalq deputatlari Angor tumani Kengashi 16-Zang saylov okrugi deputati Qulliyev Ergash hamda xalq deputatlari Angor tumani Kengashi kotibiyati mudiri M. Yarmatov hamrohligida Bahor mahallasida joylashgan Qo‘zi To‘lakov oilaviy poliklinikasida nazorat tadbiri o‘tkazildi.
Nazorat davomida tibbiyot muassasasida aholiga ko‘rsatilayotgan tibbiy xizmat sifati, patronaj xizmati faoliyati hamda fuqarolarni ro‘yxatga olish jarayonlari o‘rganildi. Shuningdek, fuqarolar bilan bevosita muloqot qilinib, ularga bepul berilayotgan dori-darmonlardan samarali foydalanish holati va ushbu xizmatlardan foydalanishda yuzaga kelayotgan muammolar yuzasidan fikr-mulohazalar tinglandi.

O‘rganish jarayonida fuqarolarning DMT ro‘yxatiga olinishi, patronaj xizmatining yo‘lga qo‘yilgani hamda aholining tibbiy ko‘rikdan o‘tkazilishi bo‘yicha mas’ullardan tegishli ma’lumotlar olindi.

Bundan tashqari, poliklinikadagi fitobar faoliyati ham ko‘zdan kechirilib, unda mavjud dorivor giyohlar va ulardan foydalanish tartibi haqida felsher tomonidan ma’lumot berildi.

Nazorat tadbiri yakunida aholiga tibbiy xizmat ko‘rsatish sifatini yanada oshirish, bepul dori-darmonlardan maqsadli va samarali foydalanishni ta’minlash hamda fuqarolar murojaatlariga e’tibor qaratish bo‘yicha tegishli tavsiyalar berildi.