Kuni kecha Bekobod tumanining Qo‘rg‘on va Ilg‘or mahallalarida “Yagona Vatan, yagona xalq bo‘lib, yangi hayot va kelajak yaratamiz” shiori ostida “Mustaqillik to‘yi” festivali bo‘lib o‘tdi.

Bayram tadbirida Xalq deputatlari Bekobod tuman Kengashi deputati I.Xoliqberdiyev, Bekobod tumani hokimi o‘rinbosari X.Kurbanova, Respublika Ma’naviyat va ma’rifat markazining Bekobod tuman bo‘linmasi rahbari N.Jalilov, “Nuroniy” jamg‘armasi tuman bo‘limi rahbari J.Bo‘rixo‘jayev, mahalla faollari, nuroniylar, yoshlar hamda keng jamoatchilik vakillari ishtirok etdi.

Festival davomida Vatanga muhabbat, milliy qadriyatlarimizga hurmat va hamjihatlik g‘oyalari tarannum etilib, ishtirokchilarga unutilmas bayram kayfiyati ulashildi.