VILOYAT BOLALAR KUTUBXONASI FAOLIYATI O‘RGANILDI

Xalq deputatlari Namangan shahar Kengashi kotibiyati mudiri N. Ubaydullayev hamda kotibiyat bosh mutaxassislari A. Nurmatov va M. Abdulmajidov Viloyat bolalar kutubxonasiga tashrif buyurib, muassasa faoliyati bilan yaqindan tanishdilar.

Tashrif davomida kutubxonaning kitob fondi, bolalar adabiyotlarining joylashtirilishi, kitobxonlar uchun yaratilgan sharoitlar hamda mutolaa muhitini tashkil etish ishlari ko‘zdan kechirildi. Shuningdek, kutubxona faoliyatiga oid hujjatlar bilan tanishildi.

O‘rganish jarayonida O‘zbekiston Respublikasining 2011-yil 13-apreldagi O‘RQ–280-son “Axborot-kutubxona faoliyati to‘g‘risida”gi Qonuni hamda O‘zbekiston Respublikasi Vazirlar Mahkamasining 2021-yil 27-maydagi 331-son qarori bilan tasdiqlangan “Bolalar kutubxonalari to‘g‘risida”gi nizom talablari o‘rganildi.

Kutubxonalar yosh avlodning bilimini oshirish, dunyoqarashini kengaytirish va kitobxonlik madaniyatini shakllantirishda muhim o‘rin tutadi.