Xalq deputatlari Arnasoy tuman Kengashi deputati I. Avalboyev tomonidan O‘zbekiston Respublikasining 2020-yil 20-oktabrdagi “Aholi bandligi to‘g‘risida”gi Qonuni ijrosi doirasida o‘z saylov okrugida aholi bandligini ta’minlash, kambag‘allikni qisqartirish hamda fuqarolarning daromad manbalarini kengaytirish masalalariga bag‘ishlangan uchrashuv o‘tkazildi.

Uchrashuv davomida hududda aholi bandligini ta’minlash, ishsiz fuqarolarni daromadli mehnat faoliyatiga jalb etish, oilalarning barqaror daromad manbalarini shakllantirish hamda kambag‘allikni qisqartirishga qaratilgan chora-tadbirlar yuzasidan atroflicha fikr almashildi.

Shuningdek, mahallalarda mavjud imkoniyatlardan samarali foydalanish, fuqarolarni tadbirkorlik faoliyatiga jalb etish, o‘zini o‘zi band qilish imkoniyatlarini kengaytirish va yangi daromad manbalarini yaratish masalalariga alohida e’tibor qaratildi.

 Muloqot jarayonida aholi bandligini ta’minlash va fuqarolarning iqtisodiy faolligini oshirish bilan bog‘liq masalalarni o‘rganish, mavjud imkoniyatlardan kelib chiqib, ularning yechimi yuzasidan tegishli choralarni belgilash muhimligi ta’kidlandi.